Arko Artha Nalagema

देशमा घटिरहेको पछिल्लो घटनालाई नाटक ‘अर्को अर्थ नलागेमा’ ले गतिलाई झटारो हानेको छ।

सामाजिक र राजनीतिक उथलपुथललाई कलममार्फत व्यंग्यात्मक शैलीमा उतार्ने शरच्चन्द्रको लेखमा आधारित यस नाटकमा कोरोनाकाल र त्यसपछिको राजनीतिक घटनाक्रम दर्शाइएको छ ।

दश टुक्रामा विभाजित नाटकले दशैवटा कथा भन्छ । दशैवटा कथा हामीले महसुस गरिरहेका, देखिरहेका, भोगिरहेका विषय हुन् । तर, अलगअलग दश कथा भनिरहेको नाटक दशै अलगअलग बाटोमा निस्केका छन् ।

वस्तीले कान्तिपुर दैनिकमा लेख्दै आएका स्तम्भका १० भन्दा बढी लेखहरु अब नाटकमा देखाइने भएको छ।

३७ जना कलाकार एकसाथ मञ्चमा उत्रँदै गरेको यो पहिलोपटक हुनेछ। साथै, दश निर्देशकको निर्देशनमा बन्दै गरेको भएकाले पनि यसबाट दर्शकले हेरिरहेका अन्य नाटक भन्दा फरक केही पाउने अपेक्षा गरिरहेका छन्।

अर्कै अर्थ नलागेमा' नाम दिईएको नाटकलाई 'ज्ञ' का बिद्यार्थीहरुले निर्देशन गर्नेछन् भने सुनील पोखरलले नाटकको परिकल्पना तथा संयोजन गर्दैछन् ।

कोरोनाका कारण लामो समय घरमा नै थुनिएर बस्नुपर्दा सुनीललाई काम गर्न नपाएको छटपटी थियो । देशको आर्थिक, राजनीतिक विषयले पनि उनलाई उकुस-मुकुस पारेको थियो । उनलाई लाग्थ्यो, 'काम गर्न पाए यो छटपटी कम हुन्थ्यो कि !